Pedonalja e Korçës u mbush mbrëmjen e Krishtlindjeve me tingujt e kitarave dhe këngëve karakteristike të qytetit, në një aktivitet artistik të hapur për qytetarët dhe artdashësit.
Koncerti “Kitarat e Korçës”, nën drejtimin e Nuçiel Dokos, mësues kitare në shkollën e muzikës “Tefta Tashko Koço”, u konceptua si homazh për traditën muzikore korçare, që prej vitesh shoqëron netët festive të qytetit.
- Advertisement -
Rreth 40 kitara interpretuan njëkohësisht, duke krijuar një atmosferë emocionale dhe duke bashkuar zërat e të rinjve me kujtimet e serenatistëve të vjetër, në shenjë ruajtjeje të identitetit kulturor të Korçës.
