Braziliani Rodrygo është kthyer në çështje te Real Madrid dhe klubi madrilen ende nuk ka vendosur për të ardhmen e brazilianit.
Në anën tjetër, klubet arabe tejet të interesuara për sulmuesin brazilian vazhdojnë të bëjnë “presion”, duke rritur ofertat për të.
Sipas raportimeve të mediave spanjolle, dy klubet arabe Al-Nassr dhe Al-Hilal, kanë rritur ofertën për Rodrygo-n, duke ofruar deri në 130 milionë euro për kartonin e tij.
Një shifër e konsiderueshme që tregon ambicien dhe fuqinë ekonomike që po rritet në futbollin saudit.
Dy klubet në fjalë janë të gatshme të konkurrojnë kundër njëri-tjetrit për të siguruar një lojtar që ka treguar shumë cilësi dhe ka potencial të madh për rritje të mëtejshme.
Drejtuesit e Real Madrid janë në një dilemë të madhe.
Nga njëra anë, ata e dinë që Rodrygo mund të jetë vendimtar në planet e tyre të ardhshme, por nga ana tjetër, oferta financiare është shumë joshëse.
