Komandanti i KFOR-it në Tiranë takon zyrtarë shqiptarë, diskutojnë për sigurinë në Kosovë

Gjeneralmajor Enrico Barduani, komandanti i misionit KFOR, është takuar sot në Tiranë me Ministrin e Mbrojtjes të Shqipërisë, Pirro Vengu dhe Shefin e Mbrojtjes së Shqipërisë, gjenerallejtënant Arben Kingji.

Gjatë takimit u diskutua për trendet e sigurisë në Kosovë dhe më gjerë në rajon, duke theksuar rëndësinë e bashkëpunimit të vendeve në Organizatat Ndërkombëtare dhe rolin e NATO-s.

“Gjeneralmajor Enrico Barduani nënvizoi përpjekjet e përditshme të KFOR-it për të përmbushur mandatin e tij në OKB dhe për të mbështetur dialogun e lehtësuar nga BE-ja ndërmjet Kosovës dhe Serbisë”, thuhet në njoftim.