Kongresisti amerikan thotë se Osmani u takua me Trumpin, kjo e fundit nuk e bëri publike

Kongresisti republikan nga Teksasi, Keith Self, ka njoftuar se presidentja e Kosovës, Vjosa Osmani, ka pasur një takim me presidentin amerikan Donald Trump.

Një takim i tillë, Osmani nuk e ka bërë publik deri më tani, ani se për shumë takime tjera është njoftuar publiku.

“I jam mirënjohës presidentes Osmani të Kosovës që kaloi kohë me mua dje pas takimeve të saj me presidentin Trump dhe anëtarët e Kombeve të Bashkuara”, ka shkruar Self në Facebook.

Pyetja mbetet se pse presidenca e mbajti fshehtë një takim të një niveli kaq të lartë.