Konsumimi i kivit mund të përmirësojë humorin brenda 4 ditëve.
Fruti i gjelbër ka përmbajtje të lartë të vitaminës C që dihet se përmirëson imunitetin dhe mirëqenien.
Por tani studiuesit mendojnë se kivi ka ndikim më të shpejtë dhe më të gjatë në kohë se sa suplementet me vitaminë C.
Ekipi nga Universiteti i Otagos në Zelandën e Re zhvilloi një regjim ushqimor 8-javor në 155 të rritur me nivel të ulët të vitaminës C.
Pjesëmarrësit duhet të merrnin suplemente me vitaminë C, placebo ose të hanin dy kivi në ditë dhe më pas raportonin për vitalitetin, humorin, cilësinë e gjumit dhe aktivitetin fizik përmes sondazhit në celular.
Rezultatet e publikuara në British Journal of Nutrition treguan që kivi përmirësonte vitalitetin dhe humorin brenda 4 ditëve ndërsa duheshin 14-16 ditë që efekti të arrinte kulmin e tij.
Suplementet me vitaminë C e bënin këtë deri në ditën e 12-të.
Veç përmirësimit të humorit, kivi ka veti të tjera të njohura si ndikimi në sistemi tretës, shkëlqen lëkurën, rrit përthithjen e hekurit në organizëm si dhe është burim natyral acidi folik i cili është i nevojshëm për gratë shtatzëna.
Kivi është një frut ushqyes që përmban fibra që ulin kolesterolin dhe vitaminë C që forcon imunitetin, ndër lëndë ushqyese të tjera që mbështesin një dietë të shëndetshme.
Nutricionistja Samina Kallo thotë se një kivi i pjekur duhet të jetë pak më i butë kur shtypet, ngjashëm me një pjeshkë ose avokado të pjekur.
Pra, nuk duhet të jetë i fortë si shkëmb ose i butë. Vetëm kini kujdes të mos e shtypni shumë fort.
Për të kontrolluar pjekurinë, një presion i lehtë është i mjaftueshëm për të përcaktuar nëse është gati për t’u ngrënë.
Kërkoni kivi me një aromë të këndshme dhe të ëmbël.
Nutricionistja dhe zëdhënësja e Akademisë së Ushqyerjes dhe Dietologjisë, Theresa Gentile, thotë se kivi i pjekur do të ketë një aromë të lehtë dhe të ëmbël.
Një erë e thartë tregon se kivi është i prishur, prandaj shmangni blerjen ose ngrënien e një kivi që ka erë të thartë ose të fermentuar.
