storm•/Shëndetësi: Kombëtar i Shëndetësisë Publike të Kosovës (IKSHPK) ka konfirmuar rastin e parë të infektimit me virusin Mpox në Kosovë, një sëmundje e shumëpërfolur që tashmë është prezente edhe në vend. Rasti i raportuar është një shtetas 30-vjeçar i Kosovës, i cili është spitalizuar në Klinikën Infektive të QKUK më 24 dhjetor, pasi u kthye nga një shtet i Afrikës Perëndimore.
Pacienti, i cili ka shfaqur simptoma si temperaturë, ethe dhe ndryshime në lëkurë, ndodhet në gjendje stabile shëndetësore. IKSHPK ka ndërmarrë masa të menjëhershme për gjurmimin e kontakteve të pacientit, duke ofruar udhëzime për parandalimin dhe kontrollin e përhapjes së virusit.
Ky rast shërben si një kujtesë për rrezikun e shtuar të ekspozimit ndaj viruseve gjatë festave të fundvitit, kur qarkullimi i njerëzve rritet, qoftë nga ata që vijnë në vendlindje, qoftë nga ata që udhëtojnë jashtë vendit.
IKSHPK bën thirrje për kujdes, por nënvizon se Mpox zakonisht shkakton simptoma të lehta deri mesatare dhe shumica e të prekurve shërohen plotësisht brenda 2-4 javësh. Nuk ka vend për panik, por është e rëndësishme të tregohet vigjilencë dhe të ndiqen rekomandimet shëndetësore.
