Deputeti i Lëvizjes Vetëvendosje (LVV), Nezir Kraki, e ka quajtur vetën “mësues të thjeshtë” në krahasim me Albin Kurtin, të cilin e vlerëson si “politikan të kultivuar intelektualisht” nga takimi me një grup studentësh francezë që zhvilluan në zyrën e kryeministrit në detyrë.
Kraki shprehet krenar me studentët e tij “të cilët zgjodhën Ministrinë e Punëve të jashtme dhe Diasporës për praktikën e fundstudimeve”.
Postimi i plotë:
Merci Monsieur le Premier Ministre,
I nderuar nga pritja që ua bëri dje Kryeministri Kurti studentëve të mi nga Parisi. Rast i vlefshëm për ta dëshmuar edhe në krye të vendit atë që Lola, Pantea dhe Valentin veç e kanë vënë re tashmë prej dy muajsh në Prishtinë: mikpritjen tonë. Knaqësi është për studentë të shkencave politike të bisedojnë me një politikan të kultivuar intelektualisht, me një dashuri e respekt të veçantë për kulturën, filozofinë dhe politikën franceze, dmth për frymën franceze.
Krenohem me studentët e mi nga Institut d’Etudes Politiques de Fontainebleau, Université Paris-Est Créteil (UPEC) të cilët zgjodhën Ministrinë e Punêve të jashtme dhe Diaspores për praktikën e fundstudimeve dhe i falënderohem Zv Kryeministres dhe Ministres Donika Gërvalla-Schwarz që me stafin e ministrisë e bëjnë të mundur për të dytin vit radhaz këtë bashkëpunim me Parisin.
Nga Franca mëson e gjithë bota por edhe nga Kosova mund të mësojnë gjeneratat e reja evropiane që paragjykimet të zëvendësohen me përjetime dhe dyshimet me mësime.
Prandaj do punojmë që lidhjet me Francën të shtohen, të forcohen, në çdo fushë.
🇫🇷 🇽🇰
Nezir Kraki
Mësues i thjeshtë në shërbim të dijes dhe vendit
