Storm/Sociale: Në Kosovë po ndodh një situatë e paprecedent në kohët moderne, ku shumë punonjës të administratës shtetërore nuk kanë marrë pagat e tyre mujore, ashtu siç e përkufizon ligji i pagave. Sipas nenit 4, paga duhet të transferohet në llogaritë bankare personale të punonjësve deri në fund të muajit. Por, vonesat janë bërë realitet për shumë punonjës, duke vështirësuar përmbushjen e nevojave familjare, veçanërisht për fëmijët në shkolla dhe studime. Për më tepër, bankat komerciale kanë dërguar njoftime për vonesa në pagesat e kredisë.
Arsyeja kryesore pas kësaj krize është përkeqësimi i menaxhimit të procesit të rekrutimit të Zyrtarëve Kryesor Administrativ, me sekretarët e ministrive që kanë detyra të skaduara dhe të cilët nuk kanë të drejtë ligjore të nënshkruajnë dhe të procedojnë listat e pagave. Kjo ka detyruar Departamentin e Thesarit, pjesë e Ministrisë së Financave, të ndalojë ekzekutimin e pagave.
Ekspertët fajësojnë qeverinë Kurti për këtë situatë, duke theksuar si shkaktare sjelljen arrogante ndaj administratës shtetërore. Me mbi 80,000 punonjës në pritje të pagave, kriza e pagave po krijon një sfidë të madhe për shumë familje që përballen me kosto të larta jetese në një periudhë kur koha e ftohtë e vjeshtës po afron / Storm-rks
