Kryeministri britanik, Keir Starmer, tha të dielën se nuk ka plan të flasë me presidentin rus, Vladimir Putin, pasi ai ripohoi mbështetjen e tij për Ukrainën në samitin e G20 të kësaj jave.
Starmer tha se nuk do të fliste me Putinin siç foli kancelari gjerman Olaf Scholz të premten – biseda e parë e shpallur publikisht midis Putinit dhe një kreu të madh të një fuqie perëndimore në pothuajse dy vjet.
Thirrja, e cila shkaktoi reagime të ashpër nga presidenti ukrainas, Volodymyr Zelensky.
Zelensky e ka kritikuar thirrjen dhe tha se kjo vetëm do ta bënte Rusinë të ndihej më pak e izoluar.
Duke folur me gazetarët përpara një samiti të G20 në Brazil, Starmer ripohoi angazhimin e tij ndaj Ukrainës, duke thënë se “Ne do të vijmë deri në 1000 ditë të këtij konflikti të martën”.
“Këto janë 1,000 ditë agresioni rus, 1,000 ditë ndikimi dhe sakrificash të mëdha në lidhje me popullin ukrainas dhe së fundmi ne kemi parë shtimin e trupave të Koresë së Veriut që punojnë me rusët, gjë që ka implikime serioze”, tha Starmer.
Komentet e liderit britanik vijnë pas zgjedhjes së presidentit të sapozgjedhur, Donald Trump, i cili ka vënë vazhdimisht në dyshim ndihmën e SHBA-së për Kievin dhe sugjeroi që Uashingtoni, mbështetësi më i madh financiar i Ukrainës, mund të tërheqë mbështetjen për vendin e shkatërruar nga lufta.
Starmer shtoi se ai dhe aleatët e tij duhet të dyfishojnë mbështetjen për Ukrainën për aq kohë sa duhet.
Të dielën, presidenti i SHBA, Joe Biden, dha dritën jeshile për Ukrainën që të përdorë raketa me rreze të gjatë për të goditur brenda rajonit Kursk të Rusisë, në një ndryshim të madh në politikën për Uashingtonin.
Putin kishte paralajmëruar më parë vendet perëndimore kundër një lëvizje të tillë, duke thënë se kjo mund të përfaqësojë angazhimin e drejtpërdrejtë ushtarak të NATO-s në luftë. /Euronews
