Kryeministri i sapoemëruar francez François Bayrou formoi qeverinë e katërt të vendit në më pak se një vit, me një sfidë kryesore për kabinetin e tij që ishte sigurimi i miratimit për buxhetin e vitit 2025.
Lista e ministrave të rinj të Francës nën kryeministrin e sapo emëruar François Bayrou u zbulua të hënën nga sekretari i pallatit presidencial Elysée, Alexis Kohler.
Kabineti i ri përbëhet nga 34 anëtarë, duke përfshirë figura kryesore dhe ish-ministra, kryesisht politikanë konservatorë dhe centristë.
Elisabeth Borne, ish-kryeministrja, bëhet Ministrja e Arsimit dhe figura e dytë më e rëndësishme e qeverisë.
Jean-Noël Barrot mbetet ministër i Punëve të Jashtme.
Gérald Darmanin, ish-ministër i Brendshëm, bëhet ministri i ri i drejtësisë.
Bruno Retailleau mbetet ministër i Brendshëm.
Manuel Valls, ish-kryeministër i ish-presidentit François Hollande, bëhet ministër për territoret jashtë shtetit.
Sébastien Lecornu mbetet ministër i Forcave të Armatosura.
Ministre e Kulturës mbetet Rachida Dati .
Eric Lombard bëhet ministri i ri i ekonomisë.
François Rebsamen, një ish-ministër i François Hollande, bëhet ministri i ri i territoreve dhe decentralizimit.
Qëllimi i kabinetit të ri është të mbijetojë mjaftueshëm në detyrë derisa të mund të caktohen zgjedhjet e reja parlamentare verën e ardhshme.
Franca ka qenë në një moçal politik që kur presidenti francez Emmanuel Macron bëri thirrje për zgjedhje të parakohshme në verë, pasi partia e tij centriste humbi nga e djathta ekstreme në zgjedhjet e BE-së.
Që atëherë, dhoma e ulët e parlamentit të vendit është bllokuar me tre blloqe të veçanta që nuk dëshirojnë të punojnë së bashku.
Një sfidë kryesore për kabinetin e Bayrou është sigurimi i miratimit për buxhetin e vendit 2025.
