Kandidati nga radhët e Lidhjes Demokratike të Kosovës (LDK) për kryeministër, Lumir Abdixhiku, ka zhvilluar një takim me qytetarë në Irzniq të Deçanit.

Ai ka thënë se aty ka takuar mbështetës e qytetarë që mes dëshmive historike të fshatit të tyre kërkojnë ndryshimin për të ardhmen.

“Në Irzniq të Deçanit, u ndalëm para tubimit në Gjakovë. Takuam edhe këtu mbështetës e qytetarë që mes dëshmive historike të fshatit të tyre, kërkojnë ndryshimin për të ardhmen. Deçani flet djathtë! Ndryshimi po vjen. Në çdo fshat e qytet, po rritemi, po forcohemi – po fitojmë!”, ka shkruar Abdixhiku.



