Kurti: Apeli im është që të kemi “triumf” për konstituimin e Kuvendit dhe Qeverisë

Kryeministri në detyrë i Kosovës, Albin Kurti, ka qenë në Zvicër për të mbajtur tubime me mërgimtarë.

Ai ka dhënë edhe një intervistë në “albradio”, ku foli për zgjedhjet e 28 dhjetorit.

Ka kërkuar pjesëmarrje në zgjedhje për siç thotë ai fitore që bëhet triumf.

Sipas tij, të jesh i pari nuk mjafton, duhet fitore më e madhe për formimin e institucioneve.

“Na nevojitet një fitore më e madhe që bëhet triumf, qartazi të jesh i pari, edhe i pari më i madh se i dyti e i treti së bashku nuk po mjafton. Andaj është apeli im që të ketë pjesëmarrje masive për një fitore të madhe që bëhet triumf për formimin edhe të Kuvendit edhe të Qeverisë”, ka thënë Kurti.