Në një atmosferë të tensionuar politike, Kryeministri në detyrë Albin Kurti është parë sot në sallën e Kuvendit të Kosovës me një çehre të ngrysur dhe dukshëm i nervozuar. Para nisjes së seancës konstituive, e cila pritej – dhe për herë të 34-të radhazi dështoi – të siguronte votat për zgjedhjen e ministres së propozuar Abulena Haxhiu, Kurti nuk e fshehu pakënaqësinë e tij.
Pamjet nga salla e Kuvendit e tregojnë atë të përqendruar, me një shprehje serioze në fytyrë, ndërsa zhvillimet politike po shkonin drejt një tjetër përpjekjeje të pasuksesshme. Pavarësisht përpjekjeve të vazhdueshme për të tejkaluar ngërçin institucional, duket se mungesa e konsensusit brenda Kuvendit po vijon ta sfidojë rëndë ekzekutivin.
Ky dështim i radhës, i 34-ti me radhë, e thellon krizën politike dhe zvarrit vendimmarrjet që lidhen drejtpërdrejt me funksionimin e institucioneve të vendit.
