Kryeministri në detyrë, Albin Kurti, ka qëndruar sot në Leposaviq për hapjen e një zyre të Postës së Kosovës.
Ai tha se hapja e kësaj zyreje është “bashkëdyzim i ligjshmërisë dhe cilësisë”.
- Advertisement -
“Ata operatorët e pa licencuar që kanë funksionuar më herët janë mbyllur dhe tash e kemi Postën e Kosovës ku përveç dërgesave të zakonshme të postës mund të pranohen edhe mjete financiare në euro për qytetarët e Leposaviqit. Ky është një lajm i mirë edhe për banorët e komunës, por edhe për shërbimin postar publik të Republikës së Kosovës”, u shpreh ai, siç njofton ZKM-ja.
Ministrja e Ekonomisë, Artane Rizvanolli tha atje se “në katër komunat veriore operojnë tashmë 13 zyra postare”.
