Kryeministri i Kosovës, Albin Kurti, në mbledhjen e Qeverisë ka dhënë ka dhënë edhe një premtim tjetër për kombëtaren e Kosovës, në rast se në ndeshjen e nesërme fiton ndaj Turqisë.
Ai ka premtuar 1 milion euro në rast se djemtë e Kosovës fitojnë kundër Turqisë nesër dhe, me këtë fitore, kualifikohen për në Botëror.
Pos kësaj shume, ai tha se nëse Kosova shkon tutje, do të ketë edhe shpërblime të tjera.
“Në rast të kualifikimit në kupën e botës do të ndajmë edhe një milionë euro të tjera për përfaqësuesen tonë në futboll. Po zotohemi sot se nëse shkojmë tutje dhe kualifikohemi do të ketë shpërblime që nuk ua merr mendja për sukseset që do të pasojmë në Kampionatin Botëror i cili do të mbahet në ShBA”, deklaroi shefi i qeverisë.
Po ashtu, Qeveria ka miratuar vendimin dhe janë ndarë 500 mijë euro për lojtarët e kombëtares së Kosovës.
Kjo pas suksesit historik në Bratislavë.
