Këshilli Gjyqësor i Kosovës (KGJK) ka bërë publike listën prej tetë kandidatëve për dy pozita për gjyqtarë në Gjykatën e Apelit pranë Departamentit Special të kësaj Gjykate.
Kandidatë janë: Arben Hoti, Avni Mehmeti, Fatime Dermaku, Lutfi Shala, Kujtim Krasniqi, Ngadhnjim Arrni, Valon Kurtaj dhe Violeta Namani–Hajra, raporton “Betimi për Drejtësi”.
- Advertisement -
Kujtojmë se Këshilli Gjyqësor, në mbledhjen e 343-të ka shpallur konkurs për pozitën e gjyqtarit në Departamentin Special të Gjykatës Themelore në Prishtinë dhe atë të Apelit.
Komisioni që do të zhvillojë rekrutimin për dy pozita në Gjykatën e Apelit përbëhet nga:
- Advertisement -
- Albert Zogaj, kryetar
- Fidan Hoxha, anëtar
- Besnik Bislimi, anëtar
- Bashkim Hyseni, anëtar
- Aferdita Bytyqi, anëtare
- Vilard Bytyqi, rezervë,
- Burim Ademi, rezervë,
- Vaton Durguti, rezervë.
Për këtë konkurs, tashmë KGJK-ja ka dërguar ftesën për monitorimin e këtij procesi.
