Sipas një tradite të njohur, në Shtëpinë e Bardhë dhe në institucione të tjera të SHBA-ve, ekziston mundësia dhe nevoja për lobim nga shtetet e ndryshme, me qëllim që të shtyhen përpara temat e rëndësishme për ta. Këto lobime janë shpesh të domosdoshme për të siguruar mbështetjen dhe vendimmarrjen nga institucionet amerikane në favor të kërkesave të vendeve të interesuara.
Edhe Kosova ka pasur në të kaluarën grupin e saj lobues në skenën politike të SHBA-ve. Megjithatë, kohëve të fundit, lobimi për Kosovën në SHBA është financuar ekskluzivisht nga Ministria e Punëve të Jashtme e Kosovës. Si rezultat, duket se prezenca jonë në këto institucione kyçe ka rënë ndjeshëm, duke arritur në pikën që tani është pothuajse zero. Kjo situatë është veçanërisht shqetësuese duke marrë parasysh rëndësinë e Shteteve të Bashkuara, jo vetëm si aleati më i fuqishëm, por edhe si miku më i madh i Kosovës në botë.
Si rezultat i mungesës së lobimit të vërtetë dhe serioz të Kosovës, në SHBA-të politike dhe institucionale, është rritur prezenca e lobit serb, gjë për të cilën na e deshmon edhe letra e fundit e senatores Republikane, Claudia Tenney e cila i ka shkruar letër Sekretari të SHBA-ve, Antony Blinken, ku ndër të tjera është shprehur: “Edhe një herë, veprimet e (kryeministrit) Kurtit po rrezikojnë paqen dhe stabilitetin në Ballkanin Perëndimor. Pavarësisht kritikave të ashpra nga Departamenti i Shtetit, veprimet e Kurtit nuk kanë ndryshuar. I dërgova një letër Sekretarit Blinken duke kërkuar të di se çfarë veprimesh do të ndërmarrë SHBA për të siguruar që të drejtat e serbëve etnikë në Kosovë të mbrohen dhe Kurti të mbahet përgjegjës. Pra Kosova sipas kësaj letre ka ardhur në situtaten që të “mbahet përgjegjëse” për veprimet e veta sovrane (por të pa lobuara e të shpjeguara) në organet vendimmarrëse të SHBA-ve.
Mediat kanë tentuar të kontaktojnë përfaqësuesit Rakipi dhe Mustafaj në lidhje me aktivitetet e tyre të lobimit në SHBA, por deri në momentin e publikimit të këtij artikulli, nuk kanë marrë ndonjë përgjigje prej tyre.
Ata gjithashtu nuk janë përgjigjur as në të kaluarën, kur ka patur ngjashëm raportime për shpenzimet e tyre të larta, sidomos nëpër dreka dhe darka të shtrenjëta në restorante dhe hotele në Kosovë, si dhe për kontraktimin e tyre nga Ministria e Punëve të Jashtme dhe Diasporës, pavarësisht mungesës së përvojës nga të njëjtit në fushën e lobimit.
by:Storm-rks + mediat e tjera dhe profilet e të cekurve në lajm!
—————————————-
Ky lajm për storm-rks.com pasqyron shqetësimin për mungesën e përfaqësimit të Kosovës në SHBA, një aspekt kyç për diplomacinë e vendit.
