Gjyqtari i procedurës paraprake ka vendosur që t’ua vazhdojë masën e ndalimit edhe për 48 orë, dy të dyshuarve për sulmin fizik ndaj kryetarit të Pejës, Gazmend Muhaxheri.
“Gjyqtari i procedurës paraprake, pas mbajtjes së seancës dëgjimore, të pandehurve iu ka caktuar masën e ndalimit edhe për 48 orë, deri në marrje të vendimit lidhur me kërkesën për caktim të masës së paraburgimit”, ka thënë Elzana Kastrati zëdhënëse e Gjykatës Themelore në Pejë.
- Advertisement -
Muhaxheri u sulmua nga dy persona të shtunën në mëngjes. Motivet e sulmit nuk janë bërë të ditura.
