Televizioni shtetëror grek ERT raportoi se shumë banorë në rajonet e Kretës, Rethymno dhe Lasithi, janë zgjuar nga tërmeti herët në mëngjes dhe kanë dalë me shpejtësi nga shtëpitë e tyre si masë paraprake.
Kryetari i bashkisë së Heraklionit, Alexis Kalokerinos, tha për ERT se nuk ka probleme të veçanta në qytet dhe se nuk ka nevojë të mbyllen shkollat.
Tërmeti “ndodhi në një thellësi të madhe dhe nuk ka arsye të veçantë për shqetësim nga ana e banorëve”, deklaroi Athanassios Ganas, drejtor i përgjithshëm i Kërkimeve në Institutin Gjeodinamik të Observatorit Kombëtar të Athinës për ERT.
Tërmeti goditi në një thellësi prej 68 kilometrash (42 milje), sipas Shërbimit Gjeologjik të Shteteve të Bashkuara (USGS).
Ai ndodhi pak më shumë se një javë pas një tërmeti tjetër me magnitudë 6.1 pranë ishullit Kasos në lindje të Kretës, që gjithashtu u ndje në zonën përreth.
Rajoni, i njohur për turizëm, është goditur nga disa tërmete në muajt e fundit, çka ka çuar në mbyllje të përkohshme të shkollave në Santorini dhe ishujt fqinjë.
Që nga janari, mijëra tërmete – kryesisht të magnitudës së ulët – janë regjistruar mes ishujve Santorini, Amorgos, Ios dhe Anafi në grupin e Cikladëve, në juglindje të territorit grek.
Këto nuk kanë shkaktuar viktima apo dëme të mëdha.
Duke qenë se ndodhet në kufirin ku takohen pllakat tektonike afrikane dhe anatoliane, Deti Egje goditet shpesh nga tërmete.
Por, sipas ekspertëve, rajoni nuk ka përjetuar një fenomen të tillë me këtë magnitudë që nga fillimi i regjistrimeve në vitin 1964.
Greqia është një nga vendet më të rrezikuara nga tërmetet në Evropë.
Alarm për tsunami pasi një tërmet me magnitudë 6.1 godet afër Kretës
Banorët në Kretë janë në pritje të një cunami të mundshëm pas një tërmeti të fuqishëm me magnitudë 6.1 që është regjistruar sot në mëngjes pranë bregut.
Qendra Sizmologjike Euro-Mesdhetare (EMSC) ka lëshuar paralajmërim për tsunami dhe ka këshilluar qytetarët në Greqi, Turqi, Itali dhe deri në Francë e Portugali që të ndjekin njoftimet e autoriteteve lokale për përditësime.
Dridhjet janë raportuar se janë ndjerë në gjithë Detin Egje, përfshirë pjesë të Turqisë dhe Izraelit.
