Deputetja e Lidhjes Demokratike të Kosovës, Jehona Lushaku-Sadriu, ka thënë se të enjten LDK-ja do të shpalosë një plan prej 15 pikash lidhur me qeverinë e tranzicionit.
Ajo ka thënë se LDK-ja ka ardhur me këtë propozim pasi e di që institucionet e shtetit duhet të ruhen.
“Kjo është një kosto tepër e lartë për qytetarët e Kosovës për funksionimin tonë si demokraci dhe që e cenon demokracinë tonë. Partia e parë nuk sheh ndonjë urgjencë, sepse ka qëllim final që të mos e lëshojë as ekzekutivin. Ata po arrijnë që të marrin vendime antikushtetuse dhe antiligjore. Sa i përket qeverisë gjithëpërfshirëse nesër LDK-ja do të shpalos një plan prej 15 pikash, ku do të elaborohen pika të këtij plani qeverisës”, ka thënë Lushaku-Sadriu.
Ka përmendur edhe ndalimin e ish-zyrtarit policor në Serbi, teksa u ka bërë thirrje institucioneve që t’i marrin veprimet e menjëhershme që ai të lirohet.
