LDK konfirmon se Abdixhiku ka qenë për takim te Presidentja

Kryetari i Lidhjes Demokratike të Kosovës (LDK), Lumir Abdixhiku, ka qenë në takim te presidentja Vjosa Osmani.

Zëdhënësi i LDK-së, Besian Mustafa, ka thënë për Express se Abdixhiku ka paraqitur qëndrimet e kësaj partie karshi zhvillimeve të fundit.

“Po ka qenë në takim, në lidhje me zhvillimet e fundit për të paraqitur qëndrimet e LDK-së”, tha ai.

Sot, Vetëvendosje ka mbajtur mbledhjen e Këshillit të Përgjithshëm ku ka votuar për propozimin e Glauk Konjufcës si mandatar të dytë për formimin e qeverisë.

Osmani ka kohë deri nesër të vendosë nëse do ta mandatojë edhe një emër tjetër apo do ta çojë vendin në zgjedhje.