Ish-mbrojtësi legjendar i Milanit, Alessandro Costacurta nuk ka dyshime se kush duhet të jetë kapiteni i ardhshëm i kuqezinjve.
Ai mendon se qendërmbrojtësi Matteo Gabbia është aktualisht ‘mbrojtësi më i mirë që ata kanë’.
Costacurta tha se Gabbia është zgjedhja e qartë për t’u bërë kapiteni i ardhshëm i Milanit nëse Kalabria largohet nga klubi në fund të kontratës së tij në qershor.
Gabbia ka vendosur së fundmi një marrëveshje të re dhe të përmirësuar në San Siro, e cila e lidh atë me kuqezinjtë deri në verën e vitit 2029.
Ai ka qenë gjithashtu një nga mbrojtësit më të qëndrueshëm të Milanit këtë vit kalendarik dhe u shpërblye me një thirrje të parë në ekipin kombëtar të Italisë në tetor.
“Ai është mbrojtësi më i mirë që ata kanë, edhe në sjelljen e tij. Kur vjen për të folur (për shtypin), flet mirë. Mendoj se ai duhet të jetë kapiten i Milanit, është e kotë t’ua japësh të tjerëve. Kapiteni është Gabbia. Ai është një djalë që vjen nga e njëjta krahinë me mua, i rritur në Milanello, ndaj jam shumë i lumtur për të”, deklaroi ai.
