Storm/Kryeministria: Në Kosovë, Kryeministri Albin Kurti, i njohur për oratorinë e tij dhe leximin e thellë, shpeshherë fokusohet në ligjërata në vend të veprimeve konkrete brenda dhe jashtë vendit. Ndërkohë që liderët e tjerë ndërkombëtarë përdorin kohën e tyre për takime që mund të kenë përfitime të drejtpërdrejta për shtetet e tyre, Kurti shpesh merr pjesë në ligjërata që duket se kanë ndikim të kufizuar në jetën e përditshme të qytetarëve të Kosovës.
Në një kohë kur në Kosovë pagat për “punonjësit e Kurtit” ende nuk janë ekzekutuar, vetë Kryeministri Kurti ka zgjedhur të përdorë fjalë të mëdha për Kosovën në takime jashtë vendit, duke folur për progresin e 20 viteve të kaluara. Sipas të intervistuarve nga storm-rks, Kurti dikur e kritikonte ashpër dhe e sfidonte Kosovën në çdo mundësi para se të vinte në pushtet. Tani, me dëshirën e tij të madhe për të ligjëruar gjatë vizitave zyrtare, ai duket se ka ndryshuar qasje.
Rasti më i fundit përfshin një ligjëratë në Universitetin Yale, me temën “Kosova 25 vite pas çlirimit: Progresi demokratik dhe një ekonomi në rritje – dhe rritja e kërcënimit të Rusisë dhe Serbisë”. Gjatë këtij angazhimi, Kurti ndau perspektivat e tij personale dhe qeveritare mbi progresin e Kosovës, duke theksuar konsistencën e saj me vlerat demokratike dhe aleancat me demokracitë liberale.
Në kontekstin e shqetësimeve për një agjendë detajuar dhe përpjekje për të krijuar një imazh aktiv në arenën ndërkombëtare, kritika ndaj Kurtit nënvizon mungesën e përparësive të fokusuara në takime më të cilat mund të sjellin përfitime të drejtpërdrejta për qytetarët dhe shtetin e Kosovës.
Pavarësisht nga fjalët e fuqishme të Kurtit për rritjen dhe përparimin demokratik, pyetja mbetet nëse kjo qasje e fokusuar në ligjërata është ajo që i duhet në të vërtetë Kosovës për të përmirësuar më tej stabilitetin dhe mirëqenien e saj / Storm-rks
