Luiz Ejlli, i njohur për publikun shqiptar, ka shprehur pakënaqësinë e tij të hapur në rrjetet sociale pas vendimit të gjykatës së Fierit, e cila e dënoi atë me 1 vit burg për falsifikim dokumentesh.
Në një postim të fundit, të shoqëruar me një foto gjatë xhirimeve për një klip të ri, Luizi është shprehur me tone të ashpra dhe të drejtpërdrejta: “E di që më keni përdorur, keni përfituar dhe më keni marrë si të mirëqenë… Megjithatë unë zgjedh të hesht sepse nuk dua që egërsia ime e brendshme të dali jashtë,” ka shkruar ai.
Sipas raportimeve të A2, prokuroria e Fierit akuzon Ejllin se, pavarësisht se i ishte hequr licenca nga Ministria e Drejtësisë, ai kishte vazhduar të përdorte vulat e noterit. Në bashkëpunim me një tjetër person, ata kishin krijuar një deklaratë noteriale me të dhëna të pavërteta. Më pas, kjo deklaratë u dorëzua në ish-Prokurorinë Lushnjë më 25 shkurt 2022.
Luiz Ejlli duket i prekur nga lajmet dhe reagimet e shumta mbi këtë çështje, ndërsa zgjedh të heshtë për momentin për të mos nxitur më shumë tension.
