Masat e marra policore nuk mjaftuan, tifozët francez përplasen me ata izraelitë

Një përleshje masive mes tifozëve ka ndodhur në ”Stade de France”, në ndeshjen e Ligës së Kombeve mes Francës dhe Izraelit.

Disa dhjetëra persona janë përleshur me njëri-tjetrin në shkallët e stadiumit në këtë ndeshje që u ndanë me rezultatin 0-0.

Në përleshje morën pjesë disa persona me flamuj izraelitë.

Mbështetësit brohoritën “Lironi pengjet”.

Më pas u krijua një kordon i dyfishtë me stjuardë për të ndarë të dy grupet.

Këto tensione vijnë pas përleshjeve të dhunshme mes tifozëve holandez dhe atyre izraelitë që ndodhën javën e kaluar në Amsterdam.