Presidenti i SHBA Donald Trump urdhëroi një seri sulmesh ajrore në kryeqytetin e Jemenit, Sanaa, duke premtuar se do të përdorte “forcë dërrmuese vdekjeprurëse” derisa rebelët Houthi të mbështetur nga Irani të ndalojnë sulmet e anijeve në një korridor jetik detar.
Nga këto sulme rebelët raportuan nëntë civilë të vranë.
“Luftatarët tanë të guximshëm tani po kryejnë sulme ajrore ndaj bazave, liderëve dhe mbrojtjeve raketore të terroristëve për të mbrojtur anijet amerikane, asetet ajrore dhe detare, dhe për të rivendosur Lirinë e Lundrimit”, tha Trump, duke shtuar: “Asnjë forcë terroriste nuk do t’i ndalojë anijet tregtare dhe detare amerikane të lundrojnë lirshëm në rrugët ujore të botës”.
Ai gjithashtu paralajmëroi Iranin kundër mbështetjes së grupit rebel, duke u zotuar se do ta mbajë vendin “plotësisht përgjegjës” për veprimet e përfaqësuesve të tij.
Paralajmërimi vjen dy javë pasi Trump u dërgoi një letër udhëheqësve iranianë duke ofruar një rrugë për të rifilluar bisedimet dypalëshe mbi avancimin e programit të armëve bërthamore të Iranit, diçka që ai është zotuar të mos e lejojë të bëhet operacionale.
Sulmet ajrore pasojnë një deklaratë të fundit të Houthi se ata do të rifillonin sulmet ndaj anijeve izraelite në përgjigje të bllokadës së Gazës nga Izraeli.
Houthis raportuan një seri shpërthimesh në territorin e tyre të shtunën në mbrëmje.
Banorët thanë se të paktën katër sulme ajrore goditën lagjen Lindore Geraf, ku familjet e tmerruara u kapën nga shpërthimet.
Nasruddin Amer, nënkryetari i zyrës së mediave Houthi, këmbënguli se sulmet ajrore nuk do ta pengonin grupin, duke u zotuar për hakmarrje kundër SHBA-së “Sanaa do të mbetet mburoja dhe mbështetja e Gazës dhe nuk do ta braktisë atë pavarësisht sfidave”, shkroi ai në mediat sociale.
Ndërsa SHBA, Izraeli dhe Britania kanë nisur më parë sulme në zonat e kontrolluara nga Houthi, ushtria izraelite nuk pranoi të komentojë operacionin e së shtunës.
Një zyrtar amerikan konfirmoi se sulmet u kryen vetëm nga forcat amerikane, operacioni i parë i tillë nën administratën e dytë të Trump, pas një periudhe qetësie relative në rajon.
