Mediat amerikanë kanë raportuar se Melania Trump ka mbrojtur të drejtën e abortit, duke shkruar se “kufizimi i së drejtës së një gruaje për të zgjedhur nëse do të ndërpresë një shtatzëni të padëshiruar është njësoj si t’i mohosh asaj kontrollin mbi trupin e saj”.
Një deklarim i tillë bie ndesh me qëndrimin e bashkëshortit të saj, kandidatit republikan Donald Trump, i cili është duke i mbështetur shtetet që të vendosin ligjet e abortit dhe të mbështesin përjashtimet nga ndalimi në rast përdhunimi, incesti ose rreziku për jetën e nënës.
Melani Trump thuhet se ka paraqitur pozicionin e saj në kujtimet e saj, të titulluar “Melania”.
Sipas The Guardian, e cila raporton se ka parë një kopje përpara publikimit të librit, planifikuar për javën e ardhshme, Melani shkruan se gratë duhet të jenë “të lira nga çdo ndërhyrje apo presion nga qeveria”.
Ajo gjithashtu shkruan: “Pse dikush tjetër përveç vetë gruas duhet të ketë fuqinë për të përcaktuar se çfarë bën ajo me trupin e saj?”
Një goditje tjetër, Trumpit i ka ardhur nga ish-ndihmësja Cassidy Hutchinson.
Ish-punonjësja e Shtëpisë së Bardhë nën drejtimin e Trump, tha se ajo ka në plan të votojë për Kamala Harris dhe gjithashtu, demokratët që po konkurrojnë për Kongres.
“Unë e kam ditur për një kohë të gjatë që nuk do të votoja kurrë në jetën time për Donald Trump”, tha Hutchinson.
Ajo është e fundit në një varg ish-ndihmësish dhe punonjësish të Trump që mbështesin Kamala Harrisin.
