Organizata Botërore e Shëndetësisë ka miratuar testin e parë diagnostikues për virusin e majmunit (mpox), i cili do të jetë në dispozicion të vendeve ku ka shpërthyer ky virus.
Agjencia shëndetësore e Kombeve të Bashkuara tha të premten se kishte miratuar përdorimin e testit të parë diagnostikues për mpox, një mjet kyç në vendet që luftojnë me shpërthimet.
Më shumë se 800 njerëz kanë vdekur në të gjithë Afrikën, ku sëmundja është zbuluar zyrtarisht në 16 vende, sipas qendrës së kontrollit të sëmundjeve të Bashkimit Afrikan.
“Aprovimi për përdorim urgjent” i testit “do të jetë thelbësor në zgjerimin e kapacitetit diagnostik në vendet që përballen me shpërthime mpox, ku nevoja për testime të shpejta dhe të sakta është rritur ndjeshëm”, tha Organizata Botërore e Shëndetësisë në një deklaratë.
Testi, i quajtur analiza Alinity m MPXV dhe i prodhuar nga Abbott Molecular Inc., mundëson zbulimin e virusit mpox.
