Mesfushori i Kombëtares shqiptare Kristjan Asllani, nuk shihet si titullar te Interi dhe tashmë hipoteza e largimit të tij në fund të sezonit për të luajtur rregullisht, shihet si një opsion mëse i mundshëm për të.
Një nga klubet që po sheh më me interesim Asllanin është Bologna, e cila kërkon përforcime në mesfushë duke menduar Serinë A, por edhe praninë e kuqebluve mëse të mundshme në garat evropiane.
Aktuaalisht, Bologna është ndër ekipet favoritë për të siguruar një vend në Champions League për të dytin edicion radhazi.
Asllani vlerësohet si një lojtar që mund të bëjë të dy fazat e lojës në mesfushë dhe mediat italiane raportojnë se klubi është gati të hyjë në bisedime me Interin për të.
Ai mund të përfshihet edhe si pjesë e paketës për të çuar Castro në radhët e zikaltërve gjatë verës. Por nëse Interi do të dëshirojë të mbajnë kartonin e Asllanit, te Bologna mendojnë se mund të bindin palët e përfshira me një huazim të thjeshtë njëvjeçar të lojtarit, për ta bërë më pas përfundimtar në verën e vitit 2026.
