Ministri Peci sërish “i papërgjegjshëm” ndaj punësimeve nepotike në ministrinë e tij
storm•/Punësimet: Në një reagim të ashpër në Facebook, gazetari Lirim Mehmetaj ka ngritur shqetësimin për punësimet nepotike në Ministrinë e Bujqësisë, që drejtohet nga Faton Peci. Mehmetaj shkruan: “Faton Peci, i njohur ndryshe edhe si Pec Krimineli, vazhdon me punësime partiake. Rasti i fundit është emërimi i një bashkëpartiaku si drejtor në Agjencinë Pyjore të Kosovës.”
Sipas tij, Peci fillimisht ka emëruar Albert Behramin si këshilltar politik dhe më pas ka manipuluar një konkurs për t’i siguruar atij pozitën e drejtorit të agjencisë. Mehmetaj shton se edhe kandidati që renditet i dyti për këtë pozitë është një tjetër anëtar i partisë Guxo.
Me një gjuhë të ashpër, Mehmetaj e krahason këtë praktikë me “sistemin e LSI-së së Ilir Metës në Shqipëri,” duke sugjeruar se punësimet e tilla janë pjesë e një pazari politik që synon fuqizimin e pushtetit përmes aksesit në fondet publike.
