Ministrja gjermane e Shtetit, Anna Luhrmann, në vizitë në Kosovë, thekson rëndësinë e CEFTA-s
Gjatë vizitës së saj në Kosovë, Ministrja gjermane e Shtetit për Evropën, Anna Luhrmann, zhvilloi takim bilateral me Presidenten e vendit, znj.Vjosa Osmani, duke nënvizuar rëndësinë e çështjeve të përbashkëta strategjike midis dy vendeve dhe po ashtu janë shprehur qëndrimet e shtetit gjerman për bashkëpunim rajonal dhe Procesin e Berlinit. Ndërsa me Kryeministrin nuk është parë ndonjë takim i veçant, bilateral, por vetëm ai në ngjarjen e organizuar nga Ministria e Ambientit e Kosovës, GIZ-i Gjerman dhe Zyra e BE-së në Kosovë, ku ajo dhe Kryeministri Albin Kurti u panë së bashku. Dmth “një rrugë e dy punë”.
(German Embassy Pristina)
Në një postim të saj në rrjetet sociale, Luhrmann theksoi domosdoshmërinë që Kosova të bëjë të mundur zhbllokimin e CEFTA-s dhe të avancojë në zbatimin e Tregut të Përbashkët Rajonal, për të sjellë përfitime konkrete për qytetarët e rajonit, sidomos në kontekstin e takimeve për 10-vjetorin e Procesit të Berlinit.
Kujtojmë këtu se, në javët e fundit, Gjermania i është bashkuar kritikave të Shteteve të Bashkuara dhe vendeve të QUINT-it ndaj vendimeve dhe veprimeve të Qeverisë Kurti në veri të Kosovës, duke shprehur shqetësime për mungesën e koordinimit me këta faktorë.
by:Storm-rks + materiale nga mediat tjera
