Mot i kthjellët dhe i ngrohtë sot – deri në 29°C

Kjo javë parashihet të karakterizohet kryesisht me mot të kthjellët dhe temperatura relativisht të larta.

Reshje të izoluara janë të mundshme të martën, të mërkurën dhe të premten, kryesisht në formë shtrëngatash afatshkurta, me intensitet të ulët dhe shpërndarje të kufizuar gjeografike.

Instituti Hidrometeorologjik i Kosovës (IHMK) ka parashikuar për sot mot me diell dhe vranësira të pakta.

Temperaturat minimale do të lëvizin ndërmjet 10-12 gradë Celsius, ndërsa maksimalet e ditës parashihen të lëvizin ndërmjet 26-29 gradë Celsius.

Do të fryjë erë nga drejtimi i verilindjes me shpejtësi 1-5m/s.

Sipas IHMK-së, indeksi UV mbetet i lartë pothuaj gjatë gjithë javës, prandaj kërkon të respektohen këshillat e IKSHP.