Grokipedia, një enciklopedi online e ngjashme me Wikipedia-n, është zyrtarisht e disponueshme tani – dhe ngjashmëritë janë më të thella nga sa pritej.
Dizajni aktualisht është mjaft i thjeshtë – faqja kryesore përbëhet kryesisht nga një shirit i madh kërkimi dhe artikujt duken si faqe bazë të Wikipedia-s, me tituj, nëntituj dhe citate.
Aktualisht nuk oftohen foto në faqe.
Wikipedia u lejon përdoruesve të modifikojnë faqe, por Grokipedia nuk duket se e lejon ende – butoni i modifikimit u shfaq vetëm në disa faqe.
Artikujt gjithashtu pretendojnë se janë “të verifikuar nga Grok” dhe, pavarësisht premtimit të Elon Musk se Grokipedia do të jetë një “përmirësim i madh” në krahasim me Wikipedia-n, disa artikuj duket se përdorin në të vërtetë materiale të marra nga vetë faqja.
Kjo nuk është hera e parë që xAI është kapur duke përdorur përmbajtje të Wikipedia-s. Muajin e kaluar, në përgjigje të një përdoruesi të X i cili theksoi se Grok po citonte faqet e Wikipedia-s, Musk tha se “duhet të rregullohet deri në fund të vitit”.
Sigurisht, jo të gjithë artikujt në Grokipedia bazohen drejtpërdrejt në ato nga Wikipedia.
Sipas numëruesit në fund të faqes kryesore, Grokipedia aktualisht ka më shumë se 885,000 artikuj, ndërsa Wikipedia në gjuhën angleze aktualisht përmban rreth shtatë milionë.
