Një incident i rëndë sigurie ka ndodhur sot në Malmö të Suedisë, ku forcat e NATO-s interceptuan një dron rus që po i afrohej aeroplanmbajtëses franceze “Charles de Gaulle”.
Aeroplanmbajtëse 240 metra e gjatë, e vetmja me fuqi bërthamore jashtë SHBA-së, ishte ankoruar për ushtrime strategjike kur droni rus u ngrit nga një anije aty pranë. Forcat suedeze përdorën teknologjinë e bllokimit (jamming) për të neutralizuar mjetin fluturues, i cili u zhduk nga radarët pa lënë gjurmë.
Ky provokim vjen vetëm pak ditë pasi Vladimir Putin paralajmëroi Perëndimin për pasojat e një “elementi bërthamor” në konflikt. Agjencia ruse e spiunazhit (SVR) po ashtu ka hedhur akuza të pabaza se Britania dhe Franca po përgatisin një “armë mrekullibërëse” bërthamore për Ukrainën.
Ndërkohë, raportet tregojnë se Rusia po humbet rreth 40,000 ushtarë në muaj, duke arritur shifrën tronditëse prej 1.25 milion të vrarë e të plagosur që nga fillimi i pushtimit. Megjithë bisedimet e paqes që po tentohen nga emisarët e Trump në Gjenevë, incidenti në Suedi tregon se rreziku për një përshkallëzim global mbetet tejet i lartë.
