Një detaj i ri ka dalë në sipërfaqe sa i përket vdekjes së këngëtarit Liam Payne.
Mediat kanë publikuar një reagim të hotelit, menaxhmenti i të cilit ka njoftuar se kishte reaguar ndaj sjelljeve shqetësuese të këngëtarit.
Por, detaji i fundit që ka rënë në sy është se aty kishte qëndruar edhe ish e dashura e Payne.
Në një intervistë për mediat argjentinase, menaxheri i hotelit Esteban Grassi ka konfirmuar se ish-partnerja e Liam, ishte gjithashtu e pranishëm në hotel gjatë së njëjtës periudhë.
“Ai u pa i vetëm, por ish-partnerja e tij ishte afër”.
Esteban, i cili është një nga tre punonjësit e hotelit që po merren në pyetje nga policia në lidhje me vdekjen e Liam, nuk pranoi të jepte detaje shtesë se cila nga ish-partneret e Liamit, kishte qëndruar në dhomën sipër tij.
Që kur u publikua lajmi, fansat në rrjetet sociale kishin spekuluar se partnerja misterioze mund të ketë qenë ish e fejuara e Liam, Maya Henry.
Por burime pranë yllit të ndjerë e kanë hedhur poshtë këtë informacion.
Duke folur për Mirror, një burim tha se “Maya Henry nuk ka qenë kurrë në Argjentinë dhe ajo nuk ishte kthyer me Liam Payne”.
Liam kishte qenë në Argjentinë me të dashurën e tij Kate Cassidy, por ajo vendosi të kthehej në SHBA dy ditë para vdekjes së Liam.
Në një video të TikTok, aktorja shpjegoi se ndërsa e donte Amerikën e Jugut, ajo “ishte gati të kthehej” në shtëpi.
E dashura e Liam, Kate Cassidy kishte qenë duke pushuar në Amerikën Latine me të, por u largua vetëm dy ditë para vdekjes së tij, duke deklaruar se donte të kthehej në shtëpi në Florida.
