Netflix po përgatit një vazhdim të komedisë romantike “13 Going on 30”, ku Jennifer Garner, e njohur nga roli kryesor në filmin origjinal, do të shërbejë si producente ekzekutive.
Në këtë vazhdim do të luajnë Emily Bader dhe Logan Lerman, ndërsa regjinë e merr Brett Haley, i cili së fundmi drejtoi adaptimin e Netflix të “People We Meet on Vacation” nga Emily Henry, ku Bader luajti rolin kryesor.
“‘13 Going on 30’ është një nga ato filma të rrallë dhe perfektë. Qesharak, emocional dhe thellësisht njerëzor, me performanca të paharrueshme nga Jennifer Garner, Mark Ruffalo dhe Judy Greer”, tha Haley për vazhdimin.
Filmi origjinal tregonte historinë e Jenna Rink, një adoleshente që magjikisht gjen veten në jetën e saj 30-vjeçare si redaktore reviste, me mikun e saj të ngushtë Matt (Mark Ruffalo) dhe shoqen e përjetshme Lucy (Judy Greer).
Haley shtoi se Emily Bader dhe Logan Lerman formojnë një “çift magjik” dhe shprehu entuziazmin për rikthimin e bashkëpunimit me aktoren pas suksesit të filmit “People We Meet on Vacation”, i cili qëndroi katër javë në top 10 më të mirët globalë të Netflix dhe hyri në top 10 në 92 vende.
Bader gjithashtu do të marrë pjesë në dramën sportive të ardhshme “The 99ers”, duke e vazhduar karrierën e saj të suksesshme në ekranin e madh dhe në platforma streaming.
Thirty, flirty, and thriving… Emily Bader and Logan Lerman will star in 13 GOING ON 30, a new reboot of the 2004 classic.
Executive produced by Jennifer Garner and directed by Brett Haley (People We Meet on Vacation). pic.twitter.com/GVx7fUTbqo
— netflix⁷ (@netflix) March 24, 2026
