Forcat e armatosura të Polonisë njoftuan se hapësira ajrore e vendit është “shkelur vazhdimisht nga objekte të tipit dronë” gjatë sulmeve ajrore të Rusisë në Ukrainën perëndimore.
Disa nga këto objekte janë rrëzuar, duke shënuar herën e parë që vendi i NATO-s ka angazhuar drejtpërdrejti asetet ruse në hapësirën e tij ajrore që nga pushtimi i plotë i Ukrainës nga Moska në vitin 2022.
Kryeministri polak, Donald Tusk, tha se rrëzimi i dronëve rusë në Poloni gjatë natës ishte hera e parë që kjo ndodh në territorin e NATO-s.
Duke folur përpara një takimi urgjent të qeverisë, Tusk tha se hapësira ajrore polake u shkel nga një numër “i madh” dronësh rusë.
Ai thotë se ato që përbënin kërcënim u rrëzuan nga pilotët polakë dhe të NATO-s.
“Kjo është hera e parë që dronë rusë janë rrëzuar mbi territorin e një vendi të NATO-s. Të gjithë aleatët tanë po e marrin situatën shumë seriozisht. Nuk kemi regjistruar asnjë viktimë”, tha ai.
Ai shton se ndoshta ishte një “provokim në shkallë të gjerë” nga Rusia.
Tusk thotë se kërkimi për dronë është duke vazhduar, por shton se nuk ka arsye për panik dhe situata tani është nën kontroll.
Ai njoftoi se është në kontakt me sekretarin e përgjithshëm të NATO-s.
Forcat e armatosura polake tani kanë përfunduar operacionin e tyre ushtarak të nisur nga shkeljet e dronëve.
Aeroportet, përfshirë aeroportin kryesor ndërkombëtar, Varshavë Chopin, janë rihapur.
Një operacion ushtarak ka përfunduar pasi avionët polakë dhe të NATO-s u vendosën në vend, ndërsa kryeministri polak Donald Tusk ka thirrur një takim urgjent.
Polonia e quan incidentin një “akt agresioni që përbënte një kërcënim real për sigurinë e qytetarëve tanë” – Rusia nuk ka komentuar ende.
Shkalla e inkursionit nga dronë rusë është territor i ri për Poloninë – dhe për NATO-n, shkruan korrespondenti ynë në Kiev
Dronët që hynë në Poloni ishin pjesë e sulmit të fundit të madh ajror ndaj Ukrainës, me Presidentin Zelensky që e quajti “përshkallëzimin” një “precedent jashtëzakonisht të rrezikshëm për Evropën”.
