“Matiç thërret për veprim: Beogradi të nisë ofensivën diplomatike por jo ushtarake për të mbrojtur serbët në Kosovë!”
Marko Matiç, drejtor i “Qendrës për Media të Përgjegjshme’ (e cila më shumë se kaq është qendër e spinimit të Vuçiqit), ka bërë thirrje për një ofensivë të gjerë diplomatike nga Beogradi, duke theksuar nevojën urgjente që Serbia të prezantojë “situatën e rëndë me të cilën përballen serbët në Kosovë përballë botës”. Sipas tij, vetëm përmes rritjes së presionit ndërkombëtar mund të arrihet mbrojtja e serbëve që jetojnë në Kosovë dhe detyrimi i (Kryeministrit) Albin Kurtit të kthehet në tryezën e bisedimeve.
Matiç sugjeron që Beogradi të shqyrtojë mundësinë e marrjes së masave më të ashpra, përfshirë mbylljen e “kalimeve administrative” që përdoren kryesisht nga shqiptarët. Ai pranon se një hap i tillë mund të shkaktojë presion ndërkombëtar ndaj Serbisë, por sugjeron që vendi mund të përballojë këtë presion për një periudhë të shkurtër kohore, me qëllim të rritjes së presionit ndaj Prishtinës.
Megjithatë, Matiç (provon t’ia lehtësoj shefit të tij Vuçiq, para adresimit të këtij të fundit sot pas 72 orëve të paralajmeruara nga vet Vuçiq) është i qartë në një pikë: Serbia nuk duhet të tejkalojë “vijën e kuqe” duke u përfshirë në një konflikt të armatosur me NATO-n. Sipas tij, është e rëndësishme që Serbia të shmangë retorikën ekstreme dhe të vazhdojë të përdorë mjetet diplomatike dhe politike për të mbrojtur interesat e saj dhe të serbëve në Kosovë, duke i qëndruar larg çdo thirrje për shpalljen e një konflikti të armatosur.
Në këtë kontekst, Matiç i bën thirrje qeverisë serbe që të mbajë një qëndrim të matur dhe të forcojë aleancat ndërkombëtare për të arritur qëllimet e saj pa përkeqësuar situatën në terren.
by: Storm-rks + mediat e serbisë
