Kryeministri i Hungarisë, Viktor Orban ka dënuar ashpër sulmin në kanalin e Ibër-Lepencit në Zubin Potok në veri të Kosovës.
Përmes një reagimi në rrjetin social “X” Orban bëri thirrje për një hetim të plotë dhe gjithëpërfshirës.
- Advertisement -
Ai ka kërkuar që të shmanget përshkallëzimi i mëtejshëm në rajon.
“Dënojmë sulmin ndaj infrastrukturës kritike të Kosovës në Zubin Potok. Në vend të akuzave të njëanshme, ne bëjmë thirrje për një hetim të paanshëm dhe gjithëpërfshirës. Përmbajtja është e domosdoshme për të shmangur përshkallëzimin e mëtejshëm në rajon”, shkroi kryeministri hungarez në “X”.
