Presidentja e Kosovës, Vjosa Osmani, ka thënë se është koha që BE-ja ti heqë masat ndaj Kosovës dhe të tregojë ashpërsinë e njëjtë sikurse me Rusinë, me satelitin e saj, Serbinë.
Në konferencën e përbashkët me presidenten e Komisioni Evropian, Ursula von der Leyen, Osmani ka theksuar se Kosova po punon shumë në përafrimin e politikave të saj me të BE-së.
“Pres me padurim që të vazhdojmë bashkëpunim që e kemi ndërtuar gjatë viteve. Vizita vjen pas disa ditë pas miratimit agjendës së reformave për Kosovën. Ky është një lajm i mirë dhe këta hapa shërbejnë si një motiv shtesë për të punuar më shumë për BE. Agjenda është fokusuar në pesë forma, dhe parashikohet që se deri në fund të viti 2027 Kosova të përfitoj 882 milionë euro. Kosova do të jetë përfituesja më e madhe nga kjo paketë për kokë banori. Është koha që masat e padrejta ndaj Kosovës të hiqen. Përveç se të pa drejta këto masa po dëmtojnë qytetar e Kosovës dhe po dëmtojnë edhe procesin e dialogut. Heqja e masave është reflektim i nevoja të qytetarëve, biznese dhe plotësim i parakushteve që BE i kishte vendosur ndaj këtyre masave”, ka thënë Osmani.
Por, kështu nuk mendon edhe Von Der Leyen.
Ajo ka thënë se duhet ende punë për heqjen e masave, derisa ka shtuar se BE-ja është e përkushtuar që të gjejë hapat e duhur për largimin e tyre dhe për t’i bindur shtetet anëtare.
“Është shumë e rëndësishme të punojmë së bashku, dhe ne kemi mirëpritur hapjen e kufirit dhe avancimin në CEFTA dhe pas kësaj duhet të punojmë për hapa të mëtejshëm që të arrijmë në një pikë ku mund të hiqen masat dhe kjo do të ndihmojë të binden shtetet anëtare – pasi siç e dini të gjitha shtetet anëtare duhet të jenë dakord për heqjen e masave. Ne të dyja jemi të përkushtuara të gjejmë hapat e nevojshëm për të arritur këto qëllime. E rëndësishme ta shohim Kosovën si partneren tonë dhe ta bëjmë të mundur rrugën e Kosovës drejt BE-së”, ka thënë ajo.
Sukses të madh, Von der Leyen e ka konsideruar edhe heqjen e vizave për Kosovën, gjë e cila tregon “sa shumë mund të arrijmë kur punojmë bashkë”.
