Osmani në takim me Ruge: Kosova e vendosur për anëtarësim në NATO

Presidentja e Kosovës, Vjosa Osmani, po vazhdon takime me përfaqësues të lartë në SHBA.

“Në New York pata kënaqësinë të takohem me Ndihmës Sekretarin e Përgjithshëm të NATO-s, ambasadorin Boris Ruge. Gjatë takimit, ritheksova mirënjohjen e popullit të Kosovës për kontributin e vazhdueshëm të NATO-s në vendin tonë, si dhe përkushtimin e Republikës së Kosovës për anëtarësim në Aleancën Veri-Atlantike”, ka shkruar ajo.