Presidentja e Kosovës, Vjosa Osmani, gjatë qëndrimit në New York, është takuar me Sekretarin e Përgjithshëm të Ligës Arabe, Ahmed Aboul Gheit.
Osmani informon se në takim ka theksuar rëndësinë e bashkëpunimit ndërmjet Kosovës dhe Ligës Arabe.
Gjithashtu edhe “nevojën për mbështetje në procesin e njohjes së Kosovës nga shtetet anëtare të kësaj organizate që ende nuk e kanë ndërmarrë këtë hap”, shkruan Osmani, krahas pamjeve të publikuara.
Postimi i plotë:
Në New York, zhvillova një takim me Sekretarin e Përgjithshëm të Ligës Arabe, Ahmed Aboul Gheit.
Theksova rëndësinë e bashkëpunimit ndërmjet Kosovës dhe Ligës Arabe, si dhe nevojën për mbështetje në procesin e njohjes së Kosovës nga shtetet anëtare të kësaj organizate që ende nuk e kanë ndërmarrë këtë hap.
