Presidentja e Kosovës, Vjosa Osmani, gjatë qëndrimit të saj në Doha të Katarit ka vizituar kampuset e universiteteve amerikane si Carnegie Mellon, Georgetown dhe Northwestern.
“Kjo është një dëshmi e ekselencës në arsim, e cila përfshin praktikat më të mira në ligjërim, hulumtim dhe zhvillim të aftësive”, ka shkruar e para e shtetit.
Ajo ka thënë se ka realizuar diskutime në mënyrë që kjo ekspertizë të ofrohet edhe në arsimin vendor.
Njoftimi i plotë:
Universitete prestigjioze amerikane, si Carnegie Mellon, Georgetown, Northwestern, etj., kanë hapur kampuset e tyre në Doha, në kuadër të Education City, i financuar nga Qatar Foundation. Kjo është një dëshmi e ekselencës në arsim, e cila përfshin praktikat më të mira në ligjërim, hulumtim dhe zhvillim të aftësive.
Sot diskutuan për partneritete që synojnë ta sjellin këtë ekspertizë dhe këto mundësi sa më afër studentëve dhe stafit tonë akademik, në mënyrë që të përformojnë dhe navigojnë me sukses në një botë gjithnjë në zhvillim.
