Përpjekjet ndërkombëtare për të gjetur një zgjidhje diplomatike janë intensifikuar ndërsa konflikti midis Izraelit dhe Iranit hyn në javën e dytë të armiqësive të hapura.
Takimi i mbajtur mes ministrave të Jashtëm nga Mbretëria e Bashkuar, Franca dhe Gjermania me homologun iranian u mbyllën pa shumë të arritura.
Sekretari i Jashtëm i Mbretërisë së Bashkuar, David Lammy, i cili ka qenë i përfshirë në bisedimet e sotme në Gjenevë tha se ishte atje me homologët e tij evropianë duke diskutuar “vendosmërinë tonë absolute” se Irani “nuk mund të ketë aftësi bërthamore që do të rrezikonin Lindjen e Mesme të menjëhershme, por edhe komunitetin global”.
“Sot patëm diskutime konstruktive dhe do të vazhdojmë”, tha ai.
Ai shtoi se delegacioni gjithashtu “i kërkoi” iranianëve të “rifillojnë diskutimet” me SHBA-në – duke iu referuar bisedimeve midis Iranit dhe SHBA-së mbi programin bërthamor të Iranit.
Lammy thotë se në diskutimet e sotme, ai dhe ministrat e jashtëm evropianë ishin “shumë të qartë” se “pasurimi zero” i uraniumit është “pika fillestare”.
Ministri i Jashtëm i Iranit, Abbas Araghchi u tha gazetarëve se Irani është “gati të shqyrtojë përsëri diplomacinë sapo të ndalet agresioni” dhe “agresori të mbahet përgjegjës për krimet e tmerrshme të kryera”.
Ai tha se programi bërthamor i Iranit është paqësor dhe se sulmet ndaj tij janë shkelje e ligjit ndërkombëtar, duke shtuar se Irani do të vazhdojë të “ushtrojë të drejtën e tij legjitime të vetëmbrojtjes”.
“E bëj të qartë si kristali se aftësitë mbrojtëse të Iranit janë të panegociueshme”, tha ai.
