Presidenti amerikan, Donald Trump njoftoi se është duke biseduar me presidentin rus, Vladimir Putin.
“Biseda është duke vazhduar, është e gjatë, dhe unë do të raportoj përmbajtjen, ashtu si edhe Presidenti Putin, në përfundim të saj”, shkroi Trump në një postim në platformën e tij Truth Social.
- Advertisement -
Biseda vjen një ditë para vizitës së presidentit ukrainas Volodymyr Zelenskyy në Uashington, ku ai pritet të bëjë presion për transferimin e raketave me rreze të gjatë veprimi Tomahawk në Kiev.
Thirrja telefonike shënon gjithashtu kontaktin e parë të njohur të drejtpërdrejtë midis Trump dhe Putin në gati dy muaj.
