Instituti Hidrometeorologjik i Kosovës (IHMK) ka bërë të ditur se vikendi do të karakterizohet nga mot i ndryshueshëm, me temperatura të ulëta dhe reshje bore.
“Kjo situatë meteorologjike është rezultat i masave të ajrit me presion të ulët atmosferik, të cilat vijnë nga pjesa perëndimore e kontinentit”, thuhet në njoftimin e IHMK-së.
- Advertisement -
Sot, moti pritet të jetë kryesisht i vranët, me reshje të herëpashershme bore në zona të ndryshme të vendit.
Temperaturat minimale do të variojnë nga -2°C deri në 0°C, ndërsa ato maksimale nga 1°C deri në 2°C. Era do të fryjë nga verilindja me shpejtësi deri në 8 m/s.
