Pasi u intervistua nga Njësia e Veçantë Hetimore si i dyshuar për rastin e fabrikës së mbetjeve shtazore, kryeshefi i Agjencisë së Ushqimit dhe Veterinarisë, Bekim Hoxha, doli nga hapësirat e këtij departamenti të Policisë.
Avokati i tij, Artan Qerkini, tha se për klientin e tij nuk ekziston asnjë lloj dyshimi se ka kryer vepër penale.
- Advertisement -
“Zotëri Hoxha është intervistuar, e ka dhënë një deklaratë. Konsiderojmë se nuk ekziston asnjë lloj dyshimi se ka kryer vepër penale. Është intervistuar në cilësinë e të dyshuarit”, tha Qerkini.
Sipas avokatit, Bekim Hoxha është liruar në procedurë të rregullt.
