Lidhja Demokratike e Kosovës dhe Partia Demokratike e Kosovës kanë arritur marrëveshje për të garuar së bashku në balotazhin për komunën e Prizrenit.
“Sot jam i lumtur ta ndaj lajmin e arritjes së koalicionit për bashkëqeverisje me LDK-në, i bindur se idetë e reja dhe përvoja e kësaj force politike do t’i shërbejnë Prizrenit edhe më shumë,” ka shkruar kandidati i PDK-së, Shaqir Totaj në Facebook.
- Advertisement -
Ai ka falënderuar kryetarin e degës së LDK-së në Prizren, Driton Selmanaj, për mbështetjen, duke shtuar se “rrugëtimi i përbashkët +4 për Prizrenin është për të mirën e qytetit.”
Me këtë marrëveshje, LDK dhe PDK do të përballen së bashku me kandidatin e Vetëvendosjes, Artan Abrashin, në balotazhin që do të mbahet më 9 nëntor.
