Pas pakënaqësive të fundit, a do të protestojnë sërish bizneset?

Nga dita e djeshme numër i madh i bizneseve janë në hall për të gjetur energji pas hyrjes në fuqi të Liberalizimit të Energjisë Elektrike.

Ndërkohë, gjatë ditës së nesërme pritet të mblidhen drejtuesit e shoqatave të bizneseve.

Storm merr vesh nga burimet e saj se takimi është planifikuar të mbahet në orën 14:00 në Odën Ekonomike të Kosovës.

Sipas të njëjtave burime, në këtë takim do të diskutohet për hapat e mëtejshëm për të kundërshtuar Liberalizimin e Tregut të Energjisë.

Pra bizneset pritet sërish të dalin në protestë, derisa dita, ora dhe forma e protestës do të vendoset gjatë takimit të nesërm.