Zërat për një rinovim të mundshëm të Virgil van Dijk-ut me Liverpoolin shtohen çdo orë që kalon.
Holandezi, ashtu si Salah, duket se është bindur dhe do të zgjasë qëndrimin e tij në “Anfield Road”.
Do të jenë pikërisht dy senatorët themeli për të ndërtuar skuadrën për sezonin e ri, ku me gjasa nuk do të bëjë pjesë Aleksander-Arnold, vendi i të cilit do t’i besohet 21-vjeçarit Konor Bredlit që është edhe një produkt i akademisë së “Të kuqve”.
Mbi përvojën e Salahut dhe Van Dijk-ut, Slot do të formojë skuadrën për sezonin e tij të dytë në Angli dhe kërkesa do të jetë ngjitja e Liverpulit në një nivel tjetër.
Përgjegjësi të mëdha, duke qenë se pikërisht nën drejtimin e holandezit, skuadra po shkon e sigurt drejt titullit kampion.
Duke u rikthyer te kontrata e kapitenit, nuk ka ende shifra, por me gjasë do të jetë në rendin e 11.5 milionë paundëve që futbollisti ka marrë në tre sezonet e fundit në radhët e “Të kuqve”.
